MR News Telugu
గంటలో శ్రీవారి దర్శనం ప్రారంభం !
తిరుమల తిరుపతి దేవస్థానం నూతన చైర్మన్ B.R నాయుడు తన ట్విట్టర్ (X) వేదికగా ఈ సమాచారాన్ని పంచుకున్నాడు. ఉమ్మడి కూటమి ప్రభుత్వంలో నూతన పాలక మండలి ఏర్పడిన తొలి సమావేశంలోనే భక్తులకు AI సహాయంతో ఒక్క గంటలోనే శ్రీవారి దర్శన భాగ్యాన్ని కల్పించబోతున్నట్లు చైర్మన్ మరియు బోర్డు సభ్యులు తెలియజేసారు.
తిరుమల శ్రీవారి దర్శనం గంటలో పూర్తయ్యేలా చేసేందుకు టీటీడీ కొత్త చైర్మన్ చేస్తున్న ప్రయత్నానికి కార్యచరణ ప్రారంభమయింది.
- వారం రోజుల పాటు ప్రయోగాత్మకంగా పరిశీలించేందుకు సిద్ధమయ్యారు.
- ఆర్టిఫిషియల్‌ ఇంటిలిజెన్స్ టెక్నాలజీని గురువారం నంచి అమలు చేస్తున్నారు.
ఈ టెక్నాలజీని వారం రోజులపాటు ప్రయోగాత్మకంగా పరిశీలించనున్నారు. ఇది విజయవంతమైతే ఈ నెల 24న జరగనున్న పాలకమండలిలో ఆమోదం లభించనుంది.
గంటలోపే దర్శనం చేయించడానికి మొదటగా వారి ఆధార్‌ కార్డు నంబర్‌, ఫేస్‌ రికగ్నేషన్‌ రసీదు ఇస్తారు. అందులో వారికి శ్రీవారి దర్శన సమయాన్ని సూచిస్తూ ఒక టోకెన్‌ అందిస్తారు. ఈ టోకెన్‌ తీసుకున్న సందర్శకులు వారికి సూచించిన సమయానికి నేరుగా వైకుంఠం క్యూ కాంప్లెక్స్‌ వద్దకు చేరుకోగానే ఫేస్‌ రికగ్నిషన్‌ ఎంట్రన్స్‌లో స్కానింగ్‌ అనంతరం క్యూ లైన్‌లోకి పంపుతారు. గంట సమయంలోపే స్వామివారి దర్శనం పూర్తవుతుంది.
ఈ టోకెన్ల జారీకి దాదాపు 45 కౌంటర్లను ఏర్పాటు చేస్తున్నారు. సిబ్బందితో పని లేకుండా ఎఐ టెక్నాలజీని తిరుమల కొండపై అమలు చేయనున్నారు. ఈ విధానం అమలుకు ఎఐ సాఫ్ట్‌వేర్‌ను అందించేందుకు నాలుగు విదేశీ సంస్థలు ఆసక్తి చూపిస్తున్నాయి. వాటి ద్వారా ఏర్పాట్లు చేశారు. ఈ విధానం సక్సెస్ అయితే భక్తులకు కూడా ఎంతో మేలు జరుగుతుంది. అయితే క్యలైన్లను మెయిన్ టెయిన్ చేయడమే కాకుండా.. వీఐపీలను ఎంతగా నియంత్రిస్తే.. అంతగా భక్తులకు సరైన సేవలు అందే అవకాశం ఉంది.
#TTD